Arquivo da categoría: Sen clasificar
Novembro mes da ciencia.
Na semana do 14 ao 18 de novembro na hora do lecer da mañá fixemos experimentos na biblioteca relacionados co noso PDI ” A música: linguaxe universal”.
Picade na imaxe para ver un resumo.
Concurso do terceiro trimestre.
Neste terceiro trimestre imos facer, coma en anos anteriores, o concurso no que poñeredes a proba todo o traballado sobre o noso proxecto ou investigar un pouco máis.
Guía de lectura de Nadal.
Aquí vos deixamos a guía de Nadal para ler sin parar:
“Neste Nadal musical
le, canta e baila
sen parar”.
Ler máis: Guía de lectura de Nadal.“A música: linguaxe universal”
Durante este curso actual 2023-2024 temos como Proxecto Documental Integrado “A música: linguaxe universal” para o longo deste curso traballar sobre a música: estilos, músic@s, compositorres/as, cantantes…
Comezaremos coa presentación a través dun mural no que se agochan diferentes personaxes relevantes da música nas súas letras, presentado en diferentes soportes para o acceso da información a toda a comunidade educativa.
Especial Letras Galegas 2020: Ricardo Carvalho Calero
Actividades
- 2020 – Ricardo Carvalho Calero, especial Letras Galegas de O Portal da Lingua Galega inclúe as mostras gañadoras do Concurso-Exposición Letras Galegas 2020 e tamén unha compilación de recursos creados polos EDLG dos centros educativos.
- A poesía de Carballo Calero en sete palabras, setestrelo no Portal das Palabras para descubrirmos a súa lírica, dende os primeiros libros ata os póstumos.
- A voz presente, exposición sobre a vida, a obra e o pensamento de Ricardo Carvalho Calero promovida pola Associaçom Galega da Língua (AGAL) e a Consellería de Cultura e Turismo da Xunta de Galicia. Pódese descagar en PDF a exposición en diferentes formatos de calidade e tamén o díptico da exposición.
- Actividades Ricardo Carvalho Calero do SNL do Concello de Pontevedra. Inclúen 6 fichas e un xogo.
- As pitas baixo a choiva, proxecto didáctico da Coordenadora de Equipas de Normalización Lingüística de Ferrolterra con Edicións Embora que nos ofrece un conto, a música e unha unidade didáctica.
- Boletín Carvalho!! presentación interactiva de Alexandra Pacheco do edl_losada.
- Carvalho Calero 2020. Carvalho Calero construtor do galego. Páxina monográfica da AGAL sobre o autor, recolle aspectos como a vida, a obra, recursos didácticos, eventos e actualidade.
- Carvalho Calero Letras Galegas 2020 en tempos de pandemia, proposta didáctica do IES de Arzúa que complementa o vídeo Carvalho Calero. Letras galegas 2020.
- Exposición de máscaras do IES Rego de Trabe.
- Letras Galegas 2020. Ricardo Carvalho Calero, compilación de actividades para primaria do CEIP Frián.
- Materiais Letras Galegas do CPI de San Sadurniño. Inclúen a presentación dos materiais.
- Primavera das Letras Ricardo Carballo Calero, a base de lanzamento da celebración do Día das Letras Galegas da Real Academia Galega para os nenos e nenas que cursades infantil e primaria.
- Recordando Carvalho Calero exposición con guía didáctica para infantil e primaria do CEIP Xesús San Luís Romero de Carballo (A Coruña) gañadora do Concurso-Exposición Letras Galegas 2020. Tanto a exposición como a guía didáctica poden descargarse en PDF.
- Recursos didácticos para homenaxear a Carvalho Calero durante o mes das nosas Letras de CIG-Ensino.
- Seminario Galán compilación de recursos didácticos sobre Ricardo Carvalho Calero, inclúe documentos para imprimir, actividades en liña e álbum de fotos.
- Sete palabras do teatro de Carballo, setestrelo no Portal das Palabras para descubrirmos a súa lírica, dende os primeiros libros ata os póstumos.
- Unha vida polo galego exposición con guía didáctica para niveis educativos superiores do IES Ferrol Vello (Ferrol) gañadora do Concurso-Exposición Letras Galegas 2020. Tanto a exposición como a guía didáctica poden descargarse en PDF.
- Unidades didácticas da Associaçom Galega da Língua (AGAL), en colaboración coa Secretaría Xeral de Política Lingüística (SXPL) e a Deputación da Coruña. Son seis unidades didácticas de diferentes temáticas (cronobiografía, o papel de Carvalho Calero como estudoso da literatura, a relevancia do autor como lingüista, análise de Scórpio, lectura de Scórpio dende unha óptica feminista e unha específica para educación infantil e primaria) que se poden descargar en PDF dende O Portal da Lingua Galega.
O Reto da Raposa Fedella
Amigas e amigos, a Raposa Fedella precisa a vosa axuda xa que a Biblia Kennicott desapareceu! A Biblia Kenicott é unha das obras máis importantes da exposición Galicia, un relato no mundo do Museo Centro Gaiás e ten un valor incalculable.
Na vitrina apareceron unha serie de enigmas que debedes resolver para dar co seu paradeiro e de seguro que, ao mesmo tempo, ides coñecer un bocadiño máis desta obra mestra, considerada unha das máis fermosas do mundo!
Para axudarnos a recuperar a Biblia, debes completar o último texto cos resultados, por orde, dos catro enigmas resoltos e mandar a túa resposta. (Seguide as pistas que vos deixa a Raposa Fedella no PDF que vai no enlace)
Fai clic para acceder a fedella_kennicott.pdf
Que será a primeira /o en descubrir os enigmas? Ánimo e boa investigación!
Narrativa dixital con Scratch
Imos comezar este longo confinamento que temos por diante, cunha actividade chamada Scratcheando que nos vai permitir crear unha narrativa dixital empregando Scratch.
Esta tarea está vinculada a un concurso que todos os anos convoca a plataforma Leer.es, pero vos non tendes a obriga de participar (só se queredes e vos apetece), pero, si de entregar o traballo requerido. Podedes facelo de xeito individual, en parellas… como vos resulte máis doado! Iso sí, antes de comezar en Scratch, lembrade facer un guión.
Se algún o algunha non recorda como se manexa Scratch, seguro que hai algún voluntario ou voluntaria que llo explica (podedes colgar un video, para que todos vexamos o manexo que tendes desta ferramenta dixital)
Ánimo que seguro que saen traballos super chulos!
https://drive.google.com/file/d/17xFymCCoG_ttzba_OQUMIAYvMLhJYHlK/view
https://drive.google.com/file/d/1y1EWSTQJ76TH8SisicclIFkZXvAe96Ia/view
https://drive.google.com/file/d/1qz_2pi6sESdItA5pM65KgXghLC0pW9i3/view
Propostas de lecturas. #euquedolendonacasa
Propostas de lectura
Para 4-6 anos:
- Nube branca quere ser astronauta, de Pablo Nogueira e Manuel Uhía (ilustracións).
Disfrázate, sopra, canta e salta con esta sinxela historia de superación, solidariedade e empatía, que che axudará a mellorar a pronunciación. DESCARGA. - Un día de treboada, de María de Mata e Mariana Riestra (ilustracións). DESCARGA.
Por que non pode unha muller ser tractorista? Falamos de igualdade, sempre a ter en conta. - O dragón comemedo, RuAn (texto e ilustracións). DESCARGA.
Este conto pode axudar a superar os medos a pequenas e pequenos, nun momento en que senten que algo estraño está a pasar, sen poder saír da casa.
Para 7-8 anos:
- A casa máis animada do mundo, de Cristina Sáez Cazallas e Almudena Aparicio (ilustracións). DESCARGA.
Esta é a historia dunha casa encantada habitada por seres especiais que nos regalan un conto para cada día do mes. - O tempo do revés, María Solar, Arturo Iglesias e Xosé Tomás (ilustracións). DESCARGA.
Serán Ana e Aldara capaces de falarse se non teñen en conta que a Terra é redonda? Vaia lea! Un enredo divertido coa física da Terra como fondo.
Para 9-10 anos:
- Boa sorte, de María Solar, Arturo Iglesias e Xosé Tomás (ilustracións). DESCARGA.
Boa sorte tiña moi mala sorte. O primeiro que fixo foi nacer e xa non lle saíu ben, pois naceu de cu. Ciencia e aventura nunha única obra con divertidos experimentos. - Moko, Cristina Sáez Cazallas e Fernando Juárez (ilustracións). DESCARGA.
Moko chegou ao noso planeta en 1998 para alertar os habitantes da Terra dos perigos da destrución da capa de ozono e vivir unha aventura inesquecible.
24 de febreiro, Día de Rosalía
O 24 de febreiro está recollido no Calendario do Libro e da Lectura, publicado pola Consellería de Cultura, Educación e Ordenación Universitaria, como o aniversario do nacemento de Rosalía de Castro, a poeta de referencia da literatura galega. Son moitas as institucións que se suman desde hai anos a esta celebración do DÍA DE ROSALÍA e, na nosa Biblioteca aproveitamos para dar a coñecer ao alumnado os poemas, a vida e o significado desta gran autora.
Compartimos as palabras do autor homenaxeado no Día das Letras Galegas deste 2020, Ricardo Carvalho Calero, sobre a nosa poeta, a quen dedicou gran parte do seu rigoroso traballo crítico: “A realidade rosaliana é particularmente complexa -mesmo, a nível superficial, contraditória, ainda que, a nível profundo, se conciliem as contradiçons na raiz unitária da singularidade pessoal de Rosalia. […] Enfim, Rosalia é umha rosa de cem folhas.”
Un ano máis, volvemos colaborar coa Asociación de Escritoras e Escritores en Lingua Galega (AELG) baixo o lema #Errantes polo mundo.
O RECANTO DE ROSATECA 