O proxecto que temos este curso en marcha é sobre educación ambiental. Nesta etapa da vida das persoas céntranse as bases para unha cultura ambiental e un estilo de vida ecolóxico. Se queremos asegurar un mellor futuro ás xeracións vindeiras e maiores probabilidades de preservación do planeta, temos que formar as actitudes necesarias no aquí e o agora, tarefa na cal a escola primaria débese comprometer. Por iso, neste curso decidimos que o Proxecto Documental Integrado sexa “Naturalízate: móvete polo teu futuro” , e este é o lema do primeiro dos traballos que queremos compartir cos alumn@s, coas familias e, en resumo, con toda a comunidade educativa: realización dun cartaz, maqueta, diorama, mascota do proxecto … etc que ilustre o lema do noso proxecto.
Os traballos serán entregados antes do Día das Bibliotecas Escolares, día de apertura da nosa Biblioteca. Todos os traballos serán expostos nos corredores do centro educativo e difundidos a través do noso Facebook; ademais, os mellores recibirán un agasallo e pasarán a formar parte do noso centro como exposición.
Boa Sorte a tod@s!