O venres, 1 de marzo, celebramos O ENTROIDO no cole cunha obra colectiva na que interviñeron tod@s os nenos e nenas do centro. Foi un éxito tremendo e pasámolo requetebén!!! Como todos os anos, fixemos unha festa superdivertida na que houbo de todo: disfraces, comparsas, música, bailes e moitas, moitas risas. Como é habitual, o noso entroido fixo referencia ao PDI que estamos traballando, de aí que nos trasladaramos a lugares e a culturas que son Patrimonio da Humanidade. Dun xeito moi peculiar e orixinal pasaron polo escenario: exipcios, mexicanos, hindúes, aztecas, chineses … pero, non podían faltar comparsas relativas ao noso patrimonio galego, de aí que nos atoparamos cunha romería galega, con cigarróns, pantallas, madamas e galáns, tamén con algún oso de Salceda e, finalmente, con uns peregrinos que facían o Camiño de Santiago…. para rematar cun baile fin de festa no que todos participaron. E con este final feliz rematou a historia e o ENTROIDO DO MESTRES do ROSALÍA!!!
Moitas GRAZAS a todas as familias que colaboraron achegando os inxeniosos disfraces que luciron garbosamente os nenos e nenas. GRAZAS, tamén, a todas as persoas que nos acompañaron neste fantástico día. E, por suposto, GRAZAS e moitos PARABÉNS aos nosos espléndidos actores e actrices, ao profesorado e aos mestres de cerimonias!
Na nosa páxina de Facebook (ver album) podedes ver algunhas fotos e videos. Que os desfrutedes!!
O RECANTO DE ROSATECA 